Ekspatriye

Shelton Guillaume se yon jèn atakan ayisyen k ap jwe nan klèb FC Versaille nan peyi Lafrans nan National. Li deja make 8 gòl pou 22 match li jwe sezon sa.

Shelton Guillaume fèt nan dat 21 oktòb 1997, li gen 28 lane. Li gen nasyonalite ayisyen. Li se yon atakan men ki jwe pòs mitan tèren tou.

Pou sezon sa a Shelton se poto mitan ekip FC Versaille la, li se yon titilè endiskitab anndan ekip la. Sou 24 match FC Versaille jwe nan National 1 an, li jwe 22 ladan yo epi li titilè nan tout 22 a.

Sou 22 match sa yo li deja make 8 gòl epi li bay 3 pas gòl. Depi lè li rive nan ekip FC Versailles la, Shelton pa sispann ogmante pèfòmans li yo. Nan 6 dènye match li yo, pi piti nòt Sofascore bay jwè a se 7.1.

Sou 6 dènye match sa yo li fè yon total 4 gòl ak 2 pas gòl. Sa ki siyifi sou 6 match li patispe nan 6 gòl ak ekip Versaille la.

FC Versailles twouve l nan 5èm plas klasman National 1 an.