PremyeDivizyon

Tempête FC fè dezyèm viktwa l sou 3 match ak ansyen entènasyonal ayisyen an Charles Herold Jr nan tèt li. Bèl Kolòn yo bat Ouanaminthe FC 1-0 nan 3èm jounen LHF la.

Nan kad twazyèm jounen chanpyona nasyonal la, Tempête FC te gen randevou pou twoke kòn li ak Ouanaminthe FC. Match sila a fini ak yon eskò 1-0, se Bèl Kolòn yo ki ale ak viktwa a. Tempête FC sòti ak viktwa sa gras ak Wisnaden Augustin ki te make gòl la nan 72èm minit.

Viktwa sa vini kòm 2 viktwa ekip sa a nan dezyèm pati chanpyona a aprè 3 match. Ansyen jwè klèb la kounya ki ap mennen bato klèb la, Charles Herold Jr ap byen kòmanse chapit li a nan tèt ekip la.

Sou 3 match yo jwe yo, yo fè 2 viktwa ak yon defèt. Bèl Kolòn yo gen 6 pwen nan klasman gwoup Nò a.