CAN

Faz gwoup CAN 2025 lan fini, youn nan pi gwo sipriz yo se Soudan ki kalifye san yon jwè l pa make okenn gòl nan faz gwoup la.

Soudan te twouve l nan gwoup E a, li te gen kòm vwazen Boukinafaso, Gine Ekwatoryal ak Aljeri. Nan gwoup sa a Soudan fini 3èm ak 3 pwen nan do Aljeri ak Boukinafaso.

Nan 3 match li jwe yo, Souda fè yon viktwa epi li pèdi 2 lòt yo. Grenn viktwa yo fè a se kont Gine Ekwatoryal (1-0) gras ak yon otogòl. Aprèsa 2 lòt defèt yo se 2-0 kont Boukinafaso epi 3-0 kont Aljeri.

Soudan vini premye ekip nan tout listwa Koup Nasyon Afrik yo ki kalifye pou 8èmfinal san li pa make yon grenn gòl.