ChampionsCup

Abit entènasyonal meksiken an Marco Antonio Ortiz Nava p ap abitre okenn match CONCACAF pandan 6 mwa , akòz li te mande Messi yon otograf pou yon moun nan fanmi l ki andikape.

Sa te rive nan match ki te mete fas pou fas ekip Sporting Kansas City ak Inter Miami nan match ale CONCACAF Champions Cup la, yon match kote tanperati a te desann a-15 degre, Inter Miami te genyen 1-0.

"CONCACAF te enfòme de enteraksyon sa ant abit Marco Antonio Ortiz Nava ak jwè Lionel Messi aprè kout siflè ki te fini nan match Sporting Kansas City tap jwe ak Inter Miami an. Aprè ankèt ,entans lan aprann abit la te apwoche jwè a pou l te kapab genyen yon òtograf pou yon moun nan fanmi l ki andikape", deklarasyon CONCACAF nan yon lèt.

Pi ba nan lèt la CONCACAF fè konnen " Konpòtman sa pa apwopriye ak kòd abit yo, paske gen plizyè lòt fason yon moun ka fè demand sa yo. Abit la pran konsyans de erè li, li mande eskiz epi li asepte sanksyon CONCACAF la", pou fini CONCACAF te anonse yon sanksyon 6 mwa.

Se vre Marco Antonio Ortiz Nava p ap kapab abitre okenn match entènasyonal men l ap kapab abitre match nan peyi Meksik okontrè se li ki te abitre match Puebla te jwe ak Tijuana vendredi pase a.

KÒMANTÈ

Dènye atik yo