LaLiga

Dani Ceballos blese nan match Koup Diwa a ki te mete ekip Real Madrid la fas ekip Real Sociedad la. Real Madrid konfime nan yon kominike medikal maten jedi a mitan tèren yo a blese nan yon moman li te anfòm e enpòtan.

Aprè egzamen yo fin fèt jodi a sèvis medikal Real Madrid la anonse jwè a genyen yon blesi nan mis li, sa ki afekte tandon janm goch li, n ap tann evolisyon nan ka sa ".

Dani Ceballos ap rate anviwon 5 a 8 match nan chanpyona a, li ap manke match uityèmdefinal ale ak retou Ligue des Champions an kont Atletico Madrid, demifinal retou Koup Diwa fas Real Sociedad.

Dani Ceballos t ap jwe yon foutbòl manman penmba dènye jou yo, rive nan dat li blese a li jwe 1 518 minit nan 31 match pou ekip Real Madrid la. Nan lane 2022-2023 li te jwe 1 905 minit nan 46 match yon rekò li te sou wout pou bat. Aprè blese koyekipye l yo Carlo Ancelotti te fè l konfyans, Dani Ceballos te pwofite ti tan sa pou fè prèv li anndan ekip la.

Dani Ceballos pibliye yon mesaj pou fanatik yo aprè l fin blese a. " Mwen pa kontan paske m pa kapab ede ekip mwen nan pati ki pi enpòtan nan sezon an, e mwen plis pa kontan paske mwen kanpe pandan m ap atake pi bon moman m."

" Foutbòl la se konsa, se pa toujou fasil , dèfwa enjis. M.ap afwonte eprèv sa avèk fòs avèk anvi pou m kapab batay e m gen sètitid m.ap tounen pi fò, sa pa fini.wen sòti nan pi move moman, mèsi pou lanmou nou, m ap tounen anvan lontan pase sa nou t.ap panse . HALA MADRID

KÒMANTÈ

Dènye atik yo