SerieA

Match Fiorentina VS Inter Milan ki pa t fini nan dat premye desanm nan fin jwe jodi a

Match 14èm jounen chanpyona Itali a te mete fas pou fas Fiorentina ak Inter nan dat premye desanm 2024 la te kanpe aprè 17 minit akoz jwè Fiorentina Edoardo Bove te viktim yon arè Kadyak. Mitan teren Fiorentina a te prezan nan estad la jodia men li pa kapab jwe nan Chanpyona Itali a akoz chanpyona la asepte l ak defibrilatè a, Inter Milan tonbe 3-0.



Kòm match la te kanpe nan 17èm minit, li kontinye nan 17èm minit , Fiorentina te fè anpil bèl aksyon nan fen premye peryòd la, malerezman yo pa t fè gòl. Luca Ranieri te ouvè eskò a nan 59èm minit, Moise Kean te fin fè travay la, li te fè yon gòl kout tèt nan 68èm minit, nan 89èm minit atakan italyen an ki anfòm nan moman an te make dezyèm gòl li nan match la pou mete l 3-0.



Defèt sa fè Inter rate okazyon pou li rive a 54 pwen, e te ka menm mete Napoli deyò nan tèt klasman an, se dezyèm defèt Inter Milan nan chanpyona a pou sezon an, li kite Napoli domine tèt klasman an ak 3 pwen anplis li. Fiorentina pran devan Lazio pou diferans gòl, tou de ak 42 pwen, Inter gen pou twoke kòn li ak Fiorentina yon lòt fwa ankò se ap lendi 10 fevriye a 2h45 se ap nan okazyon 24èm jounen chanpyona a.

KÒMANTÈ

Dènye atik yo