SerieA

Nan kad match dezyèm jounen Serie A italyen an, Juventus te fè deplasman pou ale chache yon viktwa lakay ekip Genoa a jodi dimanch lan. Rankont sa jwe nan lokalite Luigi Ferraris kote klèb tirinwa sòti tèt yo difisilman.

Aprè viktwa yo te fè kont Parme (2-0) semèn pase a, Juventus Turin metrize Genoa sou tèren lakay li (1-0) pou dezyèm sòti yo pou sezon an nan chanpyona Itali a. Pou te fòse desizyon sa, Vielle Dame lan ki t ap soufri jwenn delivrans yo gras ak Vlahovic (73èm).

Avèk 6 pwen, pou moman Juve okipe 2èm plas klasman an, li genyen menm valè pwen ak ekip Naples lan ki premye e nou jwenn Cremonese, AS Roma ki konte menm kantite a tou. Li rete pou nou konnen konbyen tan y ap fè ap kenbe.