ChampionsLeague

Pep Guardiola te reponn kesyon sou absans De Bruyne lan aprè match Real-City a. Selon pwofesè espanyòl la, mitan tèren bèlj la pa t byen anvan match la.

Match tout moun t ap tann lan jwe. Yon match ki fini 3-3, yon match gason pa kanpe ant 2 ekip yo.

Gwo sipriz ki te genyen nan match sa se mitan tèren bèlj la De Bruyne ki pa t titilè e pa t gen chans antre nan match la.

Antrenè Citizens yo Pep Guardiola te reponn sou absans De Bruyne lan aprè match la. Selon pwofesè espanyòl la, mitan tèren bèlj la pa t byen anvan match la.

"Nou te fè yon reyinyon, li te prè men lè nou vin rive nan vestyè a, li te kòmanse ap vomi epi l di li pa prè aprè yon doulè li santi nan lestomak li" deklarasyon Guardiola sou absans Kevin Debruyne lan fas Real nan match ale 1/4 final Champions League la.